අද දහවල් මැතිවරණ කොමසාරිස් මහින්ද දේශප්‍රිය මහතා ජාතික රූපවාහිනියට හදිස්සියේ පැමිණ එහි සභාපතිවරයා හමුවී උදෑසන විකාශය කල සාවද්‍ය පුවතක් පිළිබඳ සිය පූර්ණ අප්‍රසාදය පලකොට එම පුවත නිවැරදි කර නැවත විකාශය කරන ලෙස නියෝග නිකුත් කරන ලදි. ජාතික රූපවාහිනිය විසින් පොදු විපක්ෂයේ සජිත් ප්‍රේමදාස මහතා රජය සමග එක්වූ බව පලකරමින් සිදුකර වැරදි පුවතක් සම්බන්ධයෙන් මෙලෙස කොමසාරිස්වරයාගේ විරෝධය එල්ලවී ඇත.
පසුව ජාතික රූපවාහිනිය විසින් අදාල පුවත නිවැරදිකොට විකාශය කර ඇතැයි වාර්තාවේ. පසුගිය සමයේ ජාතික රූපවාහිනිය, ස්වාධීන රූපවාහිනිය සහ ගුවන් විදුලි සේවය දැඩි ලෙස මහින්ද රාජපක්ෂ මහතාට පක්ෂපාතීව කටයුතු කිරීම සම්බන්ධව විවිධ පාර්ශව කොමසාරිස්වරයා දැනුවත් කරත් එයට ප්‍රමාණවත් පියවරක් නොගත් අතර අද දින හෝ මෙලෙස ක්‍රියාකිරීම දැඩිසේ වැදගත් පියවරක් බව විපක්ෂය සඳහන් කරයි.
0 Comments:
Please leave your comment